1
0
CCTV અને બાતમીના આધારે 5 મોબાઈલ સાથે આરોપીની ધરપકડ, ₹1.33 લાખનો મુદ્દામાલ જપ્ત
અમદાવાદ શહેરના એલીસબ્રીજ પોલીસ સ્ટેશન દ્વારા ચોરીના ગુનામાં સંડોવાયેલી એક મહિલા આરોપીની ધરપકડ કરી મહત્વપૂર્ણ સફળતા મેળવી છે. પેટ્રોલિંગ દરમિયાન પોલીસને મળેલી બાતમી અને CCTV ફુટેજના આધારે પોલીસે આરોપીને ઝડપી પાડી ગુનાનો ભેદ ઉકેલી કાઢ્યો છે.પોલીસે આરોપી તરીકે કેલમબાઈ (ઉ.વ. 28), રહેવાસી નડિયાદ, જી. ખેડા ને પકડી પાડી કાયદેસરની કાર્યવાહી હાથ ધરી છે. તપાસ દરમિયાન આરોપી પાસેથી કુલ 5 મોબાઈલ ફોન જપ્ત કરવામાં આવ્યા છે, જેની કુલ કિંમત આશરે ₹1,33,000 ગણાવવામાં આવી રહી છે.જપ્ત કરાયેલા મોબાઈલમાં એપલના iPhone 15 Plus, iPhone 15 ઉપરાંત OnePlus અને Realme કંપનીના મોબાઈલનો સમાવેશ થાય છે. પોલીસે જણાવ્યું હતું કે આરોપી અગાઉ પણ ચોરીના ગુનાઓમાં સંડોવાયેલી રહી છે અને તેના વિરુદ્ધ અમદાવાદ તથા વડોદરાના અલગ-અલગ પોલીસ સ્ટેશનોમાં ગુનાઓ નોંધાયેલા છે.
પોલીસની આ કામગીરીને શહેરમાં કાયદો અને વ્યવસ્થા જાળવવા માટે મહત્વપૂર્ણ માનવામાં આવી રહી છે.
આ સમગ્ર કામગીરી નાયબ પોલીસ કમિશ્નર ઝોન-7 શિવમ વર્મા અને મદદનીશ પોલીસ કમિશ્નર એ.બી. વાળંદના માર્ગદર્શન હેઠળ એલીસબ્રીજ પોલીસ ઇન્સ્પેક્ટર કે.એમ. ભુવા અને તેમની ટીમ દ્વારા સફળતાપૂર્વક પાર પાડવામાં આવી હતી.
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન
શ્રીજી ચાઈવાલે ફરી વિવાદમાં: ફૂટપાથની કામગીરી અને પાર્કિંગ વ્યવસ્થાને લઈને સવાલો