ધ સ્પોર્ટ્સ ક્લબ ઑફ ગુજરાતમાં ક્લબ એક્વા મીટ 2026 નો ઉત્સાહભર્યો જળક્રીડા મહોત્સવ 300થી વધુ સભ્યોએ લીધો ભાગ

Spread the love

Read Time:2 Minute, 49 Second

બાળકો માટે એક્વા ફન એક્ટિવિટીથી શરૂઆત, વિજેતાઓને ટ્રોફી અને મેડલથી કરાયા સન્માનિત

અમદાવાદ: ધ સ્પોર્ટ્સ ક્લબ ઑફ ગુજરાત દ્વારા સભ્યો માટે બે દિવસીય જળક્રીડા મહોત્સવ **”ક્લબ એક્વા મીટ–2026″**નું સફળ આયોજન કરવામાં આવ્યું હતું. કાર્યક્રમમાં મનોરંજક જળ પ્રવૃત્તિઓ ઉપરાંત વિવિધ વયજૂથો માટેની તરવાની સ્પર્ધાઓ યોજાઈ હતી, જેમાં સભ્યોએ ઉત્સાહભેર ભાગ લીધો હતો.કાર્યક્રમની શરૂઆત 1 ઓગસ્ટે સાંજે 5થી 14 વર્ષના બાળકો માટે ખાસ એક્વા ફન એક્ટિવિટીથી કરવામાં આવી હતી. બાળકો માટે વિવિધ જળક્રીડાઓ અને મનોરંજક રમતોનું આયોજન કરવામાં આવ્યું હતું. આ પ્રવૃત્તિમાં બાળકો સાથે તેમના પરિવારજનોએ પણ ઉત્સાહપૂર્વક ભાગ લીધો હતો, જેના કારણે સમગ્ર ક્લબનો માહોલ આનંદ અને ઉત્સાહથી છલકાયો હતો.

એક્વા ફનથી લઈને સ્વિમિંગ સ્પર્ધા સુધી ધમાલ! ક્લબ એક્વા મીટ–2026માં ખેલાડીઓનો ઉત્સાહ છલકાયો

મુખ્ય ક્લબ એક્વા મીટ–2026 તરવાની સ્પર્ધા 2 ઓગસ્ટે યોજાઈ હતી, જેમાં 300થી વધુ સભ્યોએ વિવિધ વયજૂથ અને કેટેગરીમાં પોતાની પ્રતિભા દર્શાવી હતી. સ્પર્ધકો દ્વારા રમતગમતની ભાવના, શિસ્ત અને ઉત્તમ પ્રદર્શન જોવા મળ્યું હતું, જ્યારે ઉપસ્થિત સભ્યો અને દર્શકોએ ખેલાડીઓને સતત પ્રોત્સાહિત કર્યા હતા.સમગ્ર કાર્યક્રમનું સફળ સંચાલન ક્લબની સ્વિમિંગ કમિટી, કોચીસ, અધિકારીઓ, સ્વયંસેવકો અને સ્ટાફના સંયુક્ત પ્રયાસોથી કરવામાં આવ્યું હતું. સ્પર્ધાના અંતે દરેક કેટેગરીમાં વિજેતા, રનર્સ-અપ અને સેકન્ડ રનર્સ-અપને ટ્રોફી અને મેડલ અર્પણ કરીને સન્માનિત કરવામાં આવ્યા હતા.

અમદાવાદમાં ક્લબ એક્વા મીટ–2026નું સફળ આયોજન, વિજેતાઓને ટ્રોફી અને મેડલથી કરાયા સન્માનિત

ધ સ્પોર્ટ્સ ક્લબ ઑફ ગુજરાતે તમામ સ્પર્ધકો, વાલીઓ, કોચીસ, સ્વયંસેવકો, અધિકારીઓ અને સભ્યોનો આભાર વ્યક્ત કરતાં જણાવ્યું હતું કે, ભવિષ્યમાં પણ રમતગમત, સ્વાસ્થ્ય, તંદુરસ્તી અને મનોરંજનને પ્રોત્સાહન આપતા આવા ગુણવત્તાસભર કાર્યક્રમોનું આયોજન સતત કરવામાં આવશે.