બગોદરા પોલીસે ₹93 લાખનો વિદેશી દારૂ પકડી પાડ્યો: ટોલ નાકા પર મોટો બસ્ટ

Spread the love

Read Time:2 Minute, 53 Second

ટોલ ટેક્સ પર ટ્રક રોકતા ખુલ્યો દારૂનો જથ્થો: બગોદરા પોલીસની મોટી સફળતા

Gujarat Police હેઠળ અમદાવાદ ગ્રામ્ય જિલ્લામાં બગોદરા પોલીસે મોટી કાર્યવાહી હાથ ધરી ₹93.31 લાખનો મુદ્દામાલ સાથે વિદેશી દારૂનો જથ્થો પકડી પાડ્યો છે. આવનારી જિલ્લા અને તાલુકા પંચાયતની ચૂંટણીને ધ્યાનમાં રાખીને પ્રોહીબીશન અને ગેરકાયદેસર પ્રવૃત્તિઓ સામે કડક પગલાં લેવામાં આવી રહ્યા છે.

ચૂંટણી પહેલા કડક એક્શન: ₹93.31 લાખનો દારૂ અને ટ્રક કબ્જે

પોલીસ મહાનિરીક્ષક રાઘવેન્દ્ર વત્સ અને જિલ્લા પોલીસ અધિક્ષક વિજય પટેલના માર્ગદર્શન હેઠળ નાયબ પોલીસ અધિક્ષક તપનસિંહ ડોડીયાના સુપરવિઝનમાં બગોદરા પોલીસ દ્વારા ટોલટેક્સ નજીક વાહન ચેકિંગ દરમિયાન આ સફળતા મળી હતી.ચોક્કસ બાતમીના આધારે HR-55-Y-0543 નંબરના કન્ટેનર ટ્રકની તપાસ કરતા તેમાં ભારતીય બનાવટના વિદેશી દારૂની 555 પેટીઓ મળી આવી હતી. જેમાં કુલ 6660 બોટલોનો જથ્થો મળી આવ્યો હતો, જેની કિંમત અંદાજે ₹73.26 લાખ છે. સાથે જ ટ્રક (₹20 લાખ) અને અન્ય મુદ્દામાલ સહિત કુલ ₹93.31 લાખનો માલ જપ્ત કરવામાં આવ્યો છે.

રાજસ્થાનથી લાવવામાં આવતો દારૂ પકડાયો: બગોદરા પોલીસનો સચોટ ઓપરેશન

આ કેસમાં પોલીસે ગણપતલાલ પુરખારામ બિશ્નોઈ (રાજસ્થાન)ને ઝડપી પાડ્યો છે, જ્યારે અન્ય આરોપીઓ હજુ ફરાર છે અને તેમની શોધખોળ ચાલુ છે. તપાસમાં રાજસ્થાનથી દારૂ સપ્લાય થતો હોવાનો ખુલાસો થયો છે.

કામગીરી કરનાર સ્ટાફ:

આ કામગીરીમાં પોલીસ ઇન્સ્પેક્ટર યુ.બી. જોગરાણા, પોલીસ સબ ઇન્સ્પેક્ટર કે.બી. મકવાણા, આસિસ્ટન્ટ હેડ કોન્સ્ટેબલ દીપાભાઇ ગાંડાભાઇ, આસિસ્ટન્ટ હેડ કોન્સ્ટેબલ જુવાનસિંહ રમેશભાઇ, પોલીસ કોન્સ્ટેબલ દિનેશભાઇ ધરમશીભાઇ તથા પોલીસ કોન્સ્ટેબલ વિરપાલસિંહ રાજેન્દ્રસિંહે મહત્વપૂર્ણ કામગીરી બજાવી હતી.પોલીસે જણાવ્યું છે કે આવનારા સમયમાં પણ જિલ્લામાં ગેરકાયદેસર દારૂ અને અન્ય ગુનાહિત પ્રવૃત્તિઓ સામે કડક કાર્યવાહી ચાલુ રહેશે.