2
0
કર્ણાવતી ક્લબ ની અનોખી પહેલ: સ્વિમિંગ સ્પર્ધાથી ઓલિમ્પિકના સપનાઓને મળશે પાંખ
અમદાવાદ, 19 જુલાઈ: કર્ણાવતી ક્લબ દ્વારા તા. 19-07-2026ના રોજ સ્વિમિંગ સ્પર્ધાનું ભવ્ય આયોજન કરવામાં આવ્યું હતું. રમતગમત પ્રત્યે બાળકો અને યુવાનોમાં રસ વધે તેમજ તેમને ઉચ્ચ સ્તરની સ્પર્ધાઓ માટે પ્રોત્સાહન મળે તે હેતુથી યોજાયેલી આ સ્પર્ધામાં અંદાજે 375થી વધુ સભ્યો અને બાળકોએ ઉત્સાહપૂર્વક ભાગ લીધો હતો.સ્પર્ધા દરમિયાન વિવિધ વયજૂથ મુજબ સ્વિમિંગની અલગ-અલગ સ્પર્ધાઓ યોજાઈ હતી. તમામ સ્પર્ધકોએ પોતાની પ્રતિભા અને રમતગમતની ભાવના સાથે ઉત્તમ પ્રદર્શન કર્યું હતું. સમગ્ર કાર્યક્રમ દરમિયાન ખેલાડીઓ, વાલીઓ અને ક્લબના સભ્યોમાં ભારે ઉત્સાહ જોવા મળ્યો હતો.
સ્વિમિંગ સ્પર્ધા થકી યુવા તરવૈયાઓને મળ્યું પ્રોત્સાહન, 375 સ્પર્ધકો મેદાને
કર્ણાવતી ક્લબ દ્વારા દરેક ભાગ લેનાર સ્પર્ધકને પ્રોત્સાહનરૂપે સ્પર્ધાત્મક કીટ આપવામાં આવી હતી, જ્યારે વિજેતા ખેલાડીઓને ટ્રોફી એનાયત કરીને સન્માનિત કરવામાં આવ્યા હતા. આયોજકોનું માનવું હતું કે આવા સન્માનથી બાળકોમાં આત્મવિશ્વાસ વધે છે અને તેઓ ભવિષ્યમાં વધુ સારી સિદ્ધિઓ માટે પ્રેરિત થાય છે.આ પ્રસંગે ક્લબના ચેરમેન રાકેશ પટેલે જણાવ્યું હતું કે રમતગમત માત્ર શારીરિક તંદુરસ્તી માટે જ નહીં, પરંતુ શિસ્ત, આત્મવિશ્વાસ અને નેતૃત્વના ગુણોના વિકાસ માટે પણ અત્યંત મહત્વપૂર્ણ છે. તેમણે કહ્યું કે ક્લબ દ્વારા નિયમિતપણે આવી વિવિધ રમતગમતની પ્રવૃત્તિઓનું આયોજન કરવામાં આવે છે, જેથી બાળકો અને યુવાનોને પોતાની પ્રતિભા દર્શાવવાની તક મળે.
રમતગમતને પ્રોત્સાહન આપતું કર્ણાવતી ક્લબનું સ્વિમિંગ કોમ્પિટિશન સફળતાપૂર્વક સંપન્ન
તેમણે વધુમાં જણાવ્યું કે આજે યોજાયેલી સ્વિમિંગ સ્પર્ધા દ્વારા ઘણા પ્રતિભાશાળી ખેલાડીઓને આગળ વધવાની પ્રેરણા મળશે. યોગ્ય માર્ગદર્શન અને સતત મહેનત દ્વારા તેઓ રાજ્ય અને રાષ્ટ્રીય સ્તરની સ્પર્ધાઓમાં સફળતા મેળવી શકે છે. સાથે જ ભવિષ્યમાં ઓલિમ્પિક જેવી આંતરરાષ્ટ્રીય સ્પર્ધાઓમાં પણ ગુજરાત અને દેશનું ગૌરવ વધારવાની ક્ષમતા ધરાવે છે.કાર્યક્રમના અંતે તમામ વિજેતાઓ અને ભાગ લેનાર ખેલાડીઓને અભિનંદન પાઠવવામાં આવ્યા હતા. વાલીઓએ પણ ક્લબના આ પ્રયાસને બિરદાવી વધુ આવી રમતગમતની સ્પર્ધાઓ યોજવાની માંગ કરી હતી. સમગ્ર કાર્યક્રમ સફળતાપૂર્વક અને ઉત્સાહભેર પૂર્ણ થયો.
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન
શ્રીજી ચાઈવાલે ફરી વિવાદમાં: ફૂટપાથની કામગીરી અને પાર્કિંગ વ્યવસ્થાને લઈને સવાલો