1
0
ફૂટપાથ બનશે, પાર્કિંગ ક્યાં થશે? શ્રીજી ચાઈવાલેની દુકાન સામેની કામગીરી ચર્ચામાં
અમદાવાદ: શહેરમાં શ્રીજી ચાઈવાલે ફરી એકવાર ચર્ચાના કેન્દ્રમાં આવ્યા છે. કલેક્ટર કચેરી નજીક આવેલી તેમની દુકાન સામે રોડ ખોદીને ફૂટપાથ બનાવવાની કામગીરી શરૂ થવાની ચર્ચા વચ્ચે સ્થાનિકોમાં અનેક સવાલો ઊભા થયા છે. ખાસ કરીને વર્ષોથી આ સ્થળનો ઉપયોગ વાહન પાર્કિંગ માટે થતો હોવાના કારણે ફૂટપાથ બન્યા બાદ વાહનચાલકો માટે પાર્કિંગની વ્યવસ્થા ક્યાં રહેશે તે મુદ્દો ચર્ચાનો વિષય બન્યો છે.સ્થાનિકોના જણાવ્યા મુજબ, કલેક્ટર કચેરી આસપાસનો વિસ્તાર પહેલેથી જ સતત અવરજવરવાળો વિસ્તાર છે. અહીં સરકારી કચેરીઓમાં કામકાજ માટે આવતા લોકો ઉપરાંત દુકાનો અને અન્ય વ્યવસાયિક સ્થળોના કારણે પણ વાહનોની અવરજવર રહે છે. આવી સ્થિતિમાં રસ્તાની બાજુનો ઉપયોગ જો ફૂટપાથ માટે કરવામાં આવે તો પાર્કિંગની સમસ્યા વધુ ગંભીર બની શકે છે તેવી ચિંતા વ્યક્ત કરવામાં આવી રહી છે.
શ્રીજી ચાઈવાલે ફરી વિવાદમાં! કલેક્ટર ઓફિસ નજીક ફૂટપાથ કામગીરીને લઈને સવાલો
સવાલ એ પણ છે કે ફૂટપાથનું નિર્માણ કયા આયોજન હેઠળ કરવામાં આવી રહ્યું છે અને કામગીરી શરૂ કરતા પહેલાં સ્થળ પરની ટ્રાફિક તથા પાર્કિંગ વ્યવસ્થાનો કોઈ અભ્યાસ કરવામાં આવ્યો છે કે નહીં? જો પાર્કિંગ માટે વૈકલ્પિક વ્યવસ્થા ન કરવામાં આવે તો સ્થાનિક રહેવાસીઓ અને વેપારીઓ ઉપરાંત અહીં આવતા નાગરિકોને પણ મુશ્કેલીનો સામનો કરવો પડી શકે છે.શ્રીજી ચાઈવાલેનું નામ અગાઉ પણ એક વિવાદને લઈને ચર્ચામાં આવ્યું હતું. શાસ્ત્રીનગર વિસ્તારમાં જાહેર શૌચાલય તોડી પાડવાના મુદ્દે પણ તેમનું નામ સામે આવ્યું હતું. હવે ફરી તેમની દુકાનની આસપાસ ચાલી રહેલી અથવા શરૂ થનારી કામગીરીને લઈને સત્તાધીશો અને AMC તંત્રની ભૂમિકા અંગે ચર્ચા શરૂ થઈ છે.સ્થાનિક સ્તરે સૌથી મોટો સવાલ એ ઉઠી રહ્યો છે કે સામાન્ય નાગરિકોના હિતને ધ્યાનમાં રાખીને આ કામગીરી કરવામાં આવી રહી છે કે પછી કોઈ ચોક્કસ વ્યક્તિ અથવા દુકાનને ધ્યાનમાં રાખીને વ્યવસ્થા બદલાઈ રહી છે? સ્થાનિકોમાં એવી પણ ચર્ચા છે કે શ્રીજી ચાઈવાલેને સત્તાધીશો અને AMC તંત્રના ચાર હાથ છે કે કેમ?
ફૂટપાથ બનશે, પાર્કિંગ ક્યાં થશે? શ્રીજી ચાઈવાલેની દુકાન સામેની કામગીરી ચર્ચામાં
જોકે, આ પ્રકારની ચર્ચા અને સવાલો વચ્ચે એ સ્પષ્ટ કરવું જરૂરી છે કે શ્રીજી ચાઈવાલેને સત્તાધીશો અથવા AMC તંત્ર તરફથી કોઈ વિશેષ લાભ મળતો હોવાનો દાવો હાલ સત્તાવાર રીતે સાબિત થયો નથી. સમગ્ર મામલે સંબંધિત વિભાગની સ્પષ્ટતા જરૂરી બની છે.આ ઉપરાંત દુકાનની નજીક આવેલા ઝાડનું ટ્રીમિંગ કરવામાં આવ્યું હોવાની પણ ચર્ચા છે. આ ઝાડનું ટ્રીમિંગ કોના કહેવાથી કરવામાં આવ્યું, કયા વિભાગની મંજૂરી લેવામાં આવી હતી અને વૃક્ષ સંબંધિત નિયમોનું પાલન થયું હતું કે નહીં તે અંગે પણ પ્રશ્નો ઊભા થયા છે.સ્થાનિકોની માંગ છે કે રોડ ખોદીને ફૂટપાથ બનાવવાની કામગીરી અંગે સંપૂર્ણ વિગતો જાહેર કરવામાં આવે. તેમાં કામગીરીનો હેતુ, મંજૂરી આપનાર વિભાગ, ખર્ચ, પાર્કિંગ માટેની વૈકલ્પિક વ્યવસ્થા તથા વૃક્ષના ટ્રીમિંગ અંગે પણ સ્પષ્ટતા કરવામાં આવે.હવે જોવાનું એ રહેશે કે AMC તંત્ર અને સંબંધિત સત્તાધીશો આ સમગ્ર મામલે શું જવાબ આપે છે અને સ્થાનિકોના સવાલોનો યોગ્ય નિકાલ કેવી રીતે કરવામાં આવે છે. શહેરમાં જાહેર જગ્યા અને રસ્તા સાથે જોડાયેલી કામગીરીમાં પારદર્શિતા જળવાય અને કોઈ વ્યક્તિ વિશેષને લાભ મળતો હોવાની શંકા ઊભી ન થાય તે માટે તંત્રની સ્પષ્ટતા મહત્વપૂર્ણ બની છે.
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન