1
0
વાંચ-બીબીપુરા રોડ પર અઢી તોલાની સોનાની ચેઇનની લૂંટ કરનાર પાંચેય આરોપીઓ ગણતરીના કલાકોમાં પોલીસના જાળમાં; ટેક્નિકલ અને હ્યુમન સોર્સના આધારે સફળ કામગીરી.
અમદાવાદ ગ્રામ્યના વિવેકાનંદનગર પોલીસ સ્ટેશનની ટીમે ગંભીર લૂંટના ગુનાનો માત્ર 6 કલાકમાં ભેદ ઉકેલી પાંચ આરોપીઓને ઝડપી પાડ્યા છે. પોલીસની ઝડપી કામગીરીને કારણે લૂંટાયેલો મુદ્દામાલ પણ કબજે કરવામાં આવ્યો છે.2 જુલાઈની સાંજે વાંચ ગામથી બીબીપુરા તરફ જઈ રહેલા એક્ટિવા ચાલકને બાઈક અને એક્ટિવા પર આવેલા આરોપીઓએ રસ્તામાં રોકવાનો પ્રયાસ કર્યો હતો. ફરિયાદીએ વાહન ન રોકતાં આરોપીઓએ ચાલતી એક્ટિવાને લાત મારી નીચે પાડી દીધો હતો. ત્યારબાદ ફરિયાદી પર છરી વડે હુમલો કરી ગળામાં પહેરેલી અંદાજે અઢી તોલાની, આશરે ₹3.50 લાખની સોનાની ચેઇન લૂંટી ફરાર થઈ ગયા હતા.
અમદાવાદ ગ્રામ્ય પોલીસના ઉચ્ચ અધિકારીઓના માર્ગદર્શન હેઠળ વિવેકાનંદનગર પોલીસની આ કામગીરીને “ગોલ્ડન સિક્સ અવર્સ”ના સફળ અમલીકરણનું ઉત્તમ ઉદાહરણ માનવામાં આવી રહ્યું છે.
મુખ્ય મુદ્દા:લૂંટનો ગંભીર ગુનો માત્ર 6 કલાકમાં ડિટેક્ટ.કુલ 5 આરોપીઓની ધરપકડ.ફરિયાદી પર છરીથી હુમલો કરી અઢી તોલાની સોનાની ચેઇનની લૂંટ.લૂંટાયેલી ચેઇનની કિંમત અંદાજે ₹3.50 લાખ.મુખ્ય આરોપી કિરણ ઉર્ફે કૃણાલ દેવીપૂજક સામે સુરતમાં અગાઉ લૂંટના ગંભીર ગુનાઓ નોંધાયેલા.અન્ય આરોપી અનિલ ઠાકોર સામે ગાંધીનગર અને અમદાવાદમાં પણ ગુનાઓ નોંધાયેલા.પોલીસ ઇન્સ્પેક્ટર પી.ડી. પરમારના માર્ગદર્શન હેઠળ ટીમે ટેક્નિકલ સર્વેલન્સ અને હ્યુમન સોર્સની મદદથી સફળ તપાસ કરી.
ઘટનાની ગંભીરતા ધ્યાનમાં રાખી પોલીસ ઇન્સ્પેક્ટર પી.ડી. પરમારના માર્ગદર્શન હેઠળ અલગ-અલગ ટીમો બનાવવામાં આવી હતી. ટેક્નિકલ સર્વેલન્સ, સીસીટીવી ફૂટેજ અને હ્યુમન ઇન્ટેલિજન્સના આધારે આરોપીઓ સુધી પહોંચવામાં પોલીસને સફળતા મળી હતી. બનાવના માત્ર છ કલાકમાં પાંચેય આરોપીઓને ઝડપી કાયદેસરની કાર્યવાહી હાથ ધરવામાં આવી.પકડાયેલા આરોપીઓમાં કિરણ ઉર્ફે કૃણાલ દેવીપૂજક, રામસિંહ ઉર્ફે બકો ઠાકોર, અનિલભાઈ ઠાકોર, ફુલાજી ઉર્ફે અજય ઠાકોર અને શ્રવણ ઠાકોરનો સમાવેશ થાય છે. તપાસ દરમિયાન સામે આવ્યું છે કે મુખ્ય આરોપી કિરણ સામે સુરત શહેરમાં લૂંટના ગંભીર ગુનાઓ નોંધાયેલા છે, જ્યારે અનિલ ઠાકોર સામે ગાંધીનગર અને અમદાવાદ શહેરમાં પણ વિવિધ ગુનાઓ નોંધાયેલા છે.
. આ કામગીરીમાં સામેલ અધિકારીઓ અને કર્મચારીઓ:પોલીસ ઇન્સ્પેક્ટર પી.ડી. પરમારએએસઆઈ નરેન્દ્રસિંહ રતનભાઈઆસિસ્ટન્ટ હેડ કોન્સ્ટેબલ ધુડાભાઈ પથાભાઈઆસિસ્ટન્ટ હેડ કોન્સ્ટેબલ દિવ્યરાજસિંહ કનકસિંહઆસિસ્ટન્ટ હેડ કોન્સ્ટેબલ કપિલભાઈ ચમનભાઈઆસિસ્ટન્ટ હેડ કોન્સ્ટેબલ રઘુભાઈ રણછોડભાઈઆસિસ્ટન્ટ હેડ કોન્સ્ટેબલ રોહિતભાઈ માધાભાઈઆસિસ્ટન્ટ હેડ કોન્સ્ટેબલ ગીતાબેન રમણભાઈઆર્મ્ડ પોલીસ કોન્સ્ટેબલ કલ્પેશભાઈ ગગજીભાઈઆર્મ્ડ પોલીસ કોન્સ્ટેબલ મુસ્તાકભાઈઆર્મ્ડ પોલીસ કોન્સ્ટેબલ રજનીભાઈ કનુભાઈપોલીસ કોન્સ્ટેબલ હરદીપસિંહ સરદારસિંહપોલીસ કોન્સ્ટેબલ રામસંગભાઈ કાંતીભાઈએલ.આર. પોલીસ કોન્સ્ટેબલ મિતરાજસિંહ મહાવીરસિંહએલ.આર. પોલીસ કોન્સ્ટેબલ દશરથભાઈ કરશનભાઈએલ.આર. પોલીસ કોન્સ્ટેબલ હરદેવસિંહ દશરથસિંહ
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન
શ્રીજી ચાઈવાલે ફરી વિવાદમાં: ફૂટપાથની કામગીરી અને પાર્કિંગ વ્યવસ્થાને લઈને સવાલો