0
0
વિઝન 2047 તરફ GCCIનો મજબૂત પગલું: GATE 2026 સફળ
ગાંધીનગર સ્થિત હેલિપેડ એક્ઝિબિશન સેન્ટર ખાતે ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (GCCI) દ્વારા આયોજિત વાર્ષિક ટ્રેડ એક્સ્પો ‘GATE 2026’નું ભવ્ય સમાપન થયું હતું. ત્રણ દિવસીય આ એક્સ્પોએ ગુજરાતની ઔદ્યોગિક શક્તિ, ઉદ્યોગસાહસિકતા અને ‘વિઝન 2047’ પ્રત્યેની પ્રતિબદ્ધતાને મજબૂત રીતે ઉજાગર કરી. 36,000થી વધુ B2B મુલાકાતીઓ અને 500થી વધુ પ્રદર્શકોની હાજરી સાથે આ કાર્યક્રમ વ્યાપારિક જોડાણો અને નવીનતાનું કેન્દ્ર બન્યો હતો.સમાપન સત્રમાં GCCIના પ્રમુખ સંદીપ એન્જિનિયરે એક્સ્પોની સફળતાની સમીક્ષા કરી અને તમામ ભાગીદારોનો આભાર વ્યક્ત કર્યો. તેમણે ‘ગુજરાતનું વિઝન – વૈશ્વિક મહત્વાકાંક્ષાઓ’ થીમને ઉજાગર કરતાં નવીનતા અને વૈશ્વિક સ્પર્ધાત્મકતાને પ્રોત્સાહન આપવાની વાત કરી.
36 હજાર મુલાકાતીઓ સાથે GATE 2026 બન્યું બિઝનેસ હબ
અંતિમ દિવસે ‘ડેમો ડે’ અને ‘પિચ મેરેથોન’ જેવા કાર્યક્રમોએ સ્ટાર્ટઅપ્સને રોકાણકારો સમક્ષ પોતાની વિચારધારાઓ રજૂ કરવાની તક આપી. વિવિધ ક્ષેત્રોના નિષ્ણાતોની હાજરીએ ઉદ્યોગ અને રોકાણ વચ્ચે મજબૂત સંવાદ સર્જ્યો. સાથે જ “બિલ્ડિંગ કોન્શિયસ બ્યુટી બ્રાન્ડ્સ” અને “વુમન ઇન લીડરશિપ” જેવા વિષયો પર પેનલ ચર્ચાઓ યોજાઈ, જેમાં ઉદ્યોગના આગેવાનો દ્વારા આધુનિક બજાર અને મહિલા નેતૃત્વ પર મહત્વપૂર્ણ વિચારો રજૂ થયા.
વિઝન 2047 તરફ GCCIનો મજબૂત પગલું: GATE 2026 સફળ
કાર્યક્રમનું મુખ્ય આકર્ષણ અભિનેતા રાકેશ બેદી સાથેની ફાયર સાઇડ ચેટ રહી, જેમાં તેમણે પોતાના અનુભવ પરથી પ્રેરણાદાયી વાતો શેર કરી. એક્સ્પોમાં ભાગ લેનાર પ્રદર્શકોએ આયોજન અને વ્યાપારિક તકો અંગે સંતોષ વ્યક્ત કર્યો.GATE 2026 માત્ર એક પ્રદર્શન નહીં પરંતુ ગુજરાતની વૈશ્વિક આર્થિક યાત્રાને નવી ગતિ આપતું પ્લેટફોર્મ સાબિત થયું છે, જે ‘વિઝન 2047’ તરફના ભારતના લક્ષ્યોને આગળ વધારવામાં મહત્વપૂર્ણ યોગદાન આપશે.
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન
શ્રીજી ચાઈવાલે ફરી વિવાદમાં: ફૂટપાથની કામગીરી અને પાર્કિંગ વ્યવસ્થાને લઈને સવાલો