0
0
વિકસિત ભારત 2047: વડાપ્રધાન મોદીએ 140 કરોડ ભારતીયોમાં આત્મવિશ્વાસ જગાવ્યો છે: માનનીય કેન્દ્રીય ગૃહ મંત્રીશ
ભારત સરકારના ગૃહ અને સહકાર મંત્રી અમિતભાઈ શાહે સંસ્કાર ધામ ખાતે આયોજિત નામોત્સવ 2025 દરમિયાન ઉપસ્થિત જનસમૂહને સંબોધન કર્યું. આ પ્રસંગે ગુજરાતના માનનીય મુખ્યમંત્રી શ્રી ભુપેન્દ્રભાઈ પટેલ, ગુજરાત રાજ્યના ઉપમુખ્યમંત્રી હર્ષભાઈ સંઘવી તથા અનેક પ્રતિષ્ઠિત મહાનુભાવોની ઉપસ્થિતિ રહી.”નમોત્સવ” એ ભારતના વડાપ્રધાન નરેન્દ્રભાઇ મોદી સાહેબના જીવન પર આધારિત ભારતનો પ્રથમ સંગીતમય મલ્ટીમિડિયા કાર્યક્રમ છે.માનનીય શ્રી અમિતભાઈ શાહે સંબોધતા જણાવ્યું હતું કે “નમોત્સવ વડાપ્રધાન નરેન્દ્રભાઇ મોદીના સંઘર્ષ અને નેતૃત્વની યાત્રાને પ્રદર્શિત કરે છે. માત્ર 11 વર્ષમાં ‘વિકસિત ભારત 2047’ના તેમના વિશ્વાસને 140 કરોડ ભારતીયોને દરેક ક્ષેત્રમાં વૈશ્વિક નેતૃત્વ તરફ આગળ વધવાની પ્રેરણા આપી છે. બાળકો અને યુવાનોથી લઈને ખેડૂતો અને ઉદ્યોગપતિઓ સુધી, વડાપ્રધાનએ પરિવર્તનકારી યોજનાઓ દ્વારા સમાજના દરેક વર્ગને સશક્ત બનાવ્યા છે, જેનાથી સમગ્ર દેશમાં લોકોના જીવનમાં સકારાત્મક પરિવર્તન આવી રહ્યો છે. નામોત્સવ એ ભારતના માનનીય વડાપ્રધાન નરેન્દ્રભાઇ મોદી સાહેબની અસાધારણ યાત્રાનો ઉત્સવ છે , જેઓ આજે પણ પોતાને ‘વકીલ સાહેબના કાર્યકર્તા’ તરીકે ઓળખાવે છે. માત્ર સ્મરણોત્સવથી આગળ વધી, નમોત્સવ એક જીવંત પરંપરા બની, જે દર્શાવે છે કે કેવી રીતે સેવા, સંકલ્પ અને રાષ્ટ્રપ્રતિ પ્રતિબદ્ધતાને મજબૂત બનાવે છે.”સંસ્કૃતિક મહોત્સવ તરીકે કલ્પાયેલો આ ત્રણ દિવસીય કાર્યક્રમ 28 થી 30 ડિસેમ્બર 2025 દરમિયાન યોજાશે, જેમાં કલાત્મક અભિવ્યક્તિ, જીવંત પ્રદર્શન, મલ્ટીમિડિયા રજૂઆતો અને રાષ્ટ્રીય સ્તરના અગ્રણીઓની ઉપસ્થિતિ દ્વારા વડાપ્રધાનના નેતૃત્વને રજૂ કરવામાં આવશે. લોકપ્રિય ગુજરાતી કલાકાર સાઈરામ દવેના નેતૃત્વમાં 150થી વધુ કલાકારો દ્વારા અભિવ્યક્તિ કરવામાં આવશે. સંસ્કાર ધામ સંસ્કાર, સેવા, મૂલ્યો અને રાષ્ટ્રપ્રેમના વૈચારિક આધાર પર સ્થપાયેલું છે. આ સંસ્થા ગુજરાતમાં ‘વકીલ સાહેબ’ તરીકે સ્નેહપૂર્વક ઓળખાતા લક્ષ્મણરાવ ઇનામદારજીના વિચારોથી પ્રેરિત છે, જેમણે માન્યું હતું કે દૈવી તત્વ માનવ અંતરાત્મામાં નિવાસ કરે છે અને દરેક વ્યક્તિ મૂલ્યો ગ્રહણ કરવાની ક્ષમતા ધરાવે છે. જ્યારે શિક્ષણ નૈતિકતા અને જવાબદારી સાથે જોડાય છે ત્યારે તે રાષ્ટ્રના ભવિષ્ય ઘડવામાં શક્તિશાળી સાધન બને છે.
સંસ્કાર ધામ ખાતે નમોત્સવ દ્વારા દેશના યશસ્વી વડાપ્રધાન નરેન્દ્રભાઇ મોદી જીવન અને સેવાઓની ઉજવણી કરવામાં આવી.
રાષ્ટ્રીય શિક્ષણ નીતિ 2020ના માર્ગદર્શન હેઠળ અને સેવા તથા રાષ્ટ્રભાવનાના મૂળ મૂલ્યોમાંથી પ્રેરણા લઈને, સંસ્કાર ધામની શૈક્ષણિક સંસ્થાઓ—લક્ષ્મણ જ્ઞાનપીઠ સ્કૂલ અને ગ્લોબલ મિશન ઇન્ટરનેશનલ સ્કૂલ—એવી શૈક્ષણિક પરિસ્થિતિ સર્જી રહી છે જ્યાં મૂલ્યો જીવનશૈલી બની જાય છે અને બાળપણને હેતુપૂર્ણ દિશા મળે છે. આ સંસ્થાઓ શરૂઆતથી જ જવાબદાર, જાગૃત અને ધરતી સાથે જોડાયેલા વૈશ્વિક નાગરિકો તૈયાર કરવાની સંસ્કાર્ધામની પ્રતિબદ્ધતાને પ્રતિબિંબિત કરે છે.આ દૃષ્ટિ ઉચ્ચ શિક્ષણ સુધી વિસ્તરે છે, જ્યાં આનંદ નેશનલ યુનિવર્સિટી વૈશ્વિક સમસ્યાઓ માટે ઉકેલો શોધવા સક્ષમ વિદ્યાર્થીઓને તાલીમ આપવાનું કાર્ય કરે છે. સંસ્કાર ધામના અન્ય સંસ્થાઓમાં આનંદ સ્કૂલ ઑફ એક્સેલન્સ, સંસ્કાર ધામ સ્પોર્ટ્સ અકાદમી અને સંસ્કાર ધામ ડ્રોન અકાદમીનો સમાવેશ થાય છે, જે સર્વાંગી શિક્ષણ અને કુશળતા વિકાસમાં પોતપોતાનો અનોખો ફાળો આપે છે.વિકસિત ભારત 2047ની દિશામાં આગળ વધતાં, સંસ્કાર્ધામની આગામી મહત્ત્વાકાંક્ષી પહેલ ‘નામટેક (NAMTECH)’ને એક જીવંત–શિક્ષણ પ્રયોગશાળા તરીકે કલ્પવામાં આવી છે. દર વર્ષે લગભગ 15,000 વિદ્યાર્થીઓને શીખવા અને નવીનતા માટે તક આપવાના ઉદ્દેશ સાથે રચાયેલું નામટેકનું અનુભવ આધારિત શિક્ષણ મોડેલ અમેરિકાના, યુરોપના અને સિંગાપુરના અગ્રણી ઉદ્યોગ નિષ્ણાતો અને પ્રતિષ્ઠિત સંસ્થાઓના સહયોગથી વિકસાવવામાં આવ્યું છે.નામોત્સવ સંસ્કાર ધામ સ્થાપનાથી અત્યાર સુધી તેની યાત્રામાં યોગદાન આપનાર હજારો કર્મયોગીઓને તથા તેને વધુ ઊંચા હેતુ અને રાષ્ટ્રીય સેવાની દિશામાં માર્ગદર્શન આપનાર નેતૃત્વને સમર્પિત શ્રદ્ધાંજલિ છે.
Average Rating
More Stories
ઇસનપુર પોલીસે ગણતરીના દિવસોમાં આરોપીને ઝડપી ₹1.95 લાખની સોનાની ચેઇન રિકવર કરી
ગૂગુજરાત વિદ્યાપીઠનો 72મો પદવીદાન સમારોહ સંપન્ન
શ્રીજી ચાઈવાલે ફરી વિવાદમાં: ફૂટપાથની કામગીરી અને પાર્કિંગ વ્યવસ્થાને લઈને સવાલો